Սրտի ու մտքի վիճաբանություն

Բախտս հանձնելով ճակատագրի խենթ քամիներին, Ես լուռ քայլում եմ ոլոր ու մոլոր մայթերով կրկին,

Սիրտս տագնապում, ճչում է վախից

ՈՒ փորձում ներկաս զատել անցյալից:

Բայց խենթ անցյալում կան ջերմ, լավ հուշեր,

Կա հիշողություն, կան  երազանքներ,

Այդ խենթ անցյալում կան ուրախ օրեր

Կային փափագներ ու նպատակներ:

Իմ մեջ սկսվում է սրտի ու մտքի վիճաբանություն,

Մոլորված սրտի անորոշություն,

Կայացած մտքի պայծառ տեսություն,

Հոգուս մեջ քաոս ու անկարգություն:

Անցյալը՝ ցավոտ, բայց խենթ հուշերս է երևան բերում,

Ներկան՝ կայացած, հասուն մտքեր է կարծես պարտադրում,

Իսկ ապագաս՝ վեհ, երջանիկ օրեր անխոս խոստանում:

Եվ ահա կնքվեց մի ճիշտ դաշնագիր,

Սրտի ու մտքի մի պայմանագիր,

Այն պարունակեց մի քանի կետեր

Ստեղծելով կյանքի ճիշտ արահետներ:

Որոշվեց հիշել անցյալն ամենուր,

Ներկան պահելով կայուն ու ամուր,

Եվ այդ ներկայում՝ հպարտ, անխափան,

Կառուցել չքնաղ ու ճիշտ ապագան: